Әлмәттә гаилә, мәхәббәт һәм тугрылык көнен билгеләп үттеләр

Шәһәр паркында гаилә, мәхәббәт һәм тугрылык көне узды.

Әлмәт районы башлыгы Тимур Нагуманов исеменнән нефть шәһәрендә яшәүчеләрне район башкарма комитеты җитәкчесенең цифрлы үсеш буенча урынбасары Рифнур Камалов котлады: «Мәктәп эскәмиясеннән үк безне гаилә – җәмгыятьнең бер ячейкасы дип өйрәттеләр. Мондый нык, талантлы ячейкаларда безнең бөтен илебез яши. Бүген паркта тәҗрибәле гаиләләр дә, шушы юлга баскан яшь парлар да бар. Сезне искиткеч бәйрәм белән котлыйм. Шәһәребездә алтын, бриллиант, зөбәрҗәт туйлар күбрәк булсын. Гаилә - безнең тормышыбызның бик мөһим өлеше. Бәйрәм белән!».

Әлмәт районында  тату гаиләләр күп, аларда өлкәннәрне хөрмәтлиләр һәм хөрмәт итәләр, гаилә традицияләрен саклыйлар, балаларны тәрбияләүгә сакчыл һәм таләпчән карыйлар. «Мәхәббәт һәм тугрылык өчен» медале белән 25 ел элек никахларын теркәгән, бер-берсенә мәхәббәт һәм тугрылык караган, шулай ук балаларын җәмгыятьнең лаеклы әгъзалары итеп тәрбияләгән гаиләләр бүләкләнде.

Алар арасында педагоглар Диләрә һәм Нияз Гулумовлар гаиләсе дә бар. Алар 37 ел бергә яшиләр. Ике ул тәрбияләп үстергәннәр, ике оныклары бар.

Альберт һәм Раушания Фазлыевлар шулай ук «мәхәббәт һәм тугрылык өчен» медале белән бүләкләнделәр. Менә 30 ел инде алар кулга-кул тотынышып, биш бала тәрбияләп үстерәләр. Бер – береңә сакчыл караш, мәхәббәт һәм бер-береңне аңлап яшәү - аларның гаилә бәхете нигезе.

Шулай ук шәһәр паркы сәхнәсендә ярты гасырдан артык үзләренең җылы мөнәсәбәтләрен саклап калган парларны хөрмәтләделәр.

Әлмәт муниципаль районы башлыгының рәхмәт хатын 55 ел бергә яшәгән Игорь һәм Галина Афанасьевлар, 50 ел бергә яшәгән Виктор һәм Мария Петряевлар, Гафтрауф һәм Вәсилә Камартдиновлар гаиләләренә тапшырдылар.

Гаиләдән дә мөһимрәк нәрсә юк, ә күп балалы гаиләләр-илебезнең чын горурлыгы. Күп балалы Петр һәм Надежда Морговлар гаиләсе чын күңелдән соклану һәм тирән ихтирамга лаек. Алар быел 44 ел бергә гомер итүләрен билгеләп үтәчәкләр. Алар 4 бала тәрбияләп үстергәннәр, 7 оныклары бар.

Өч ул тәрбияләп үстергән Николай һәм Лидия Макаровларның быел гаилә коруларына 31 ел булган.

Быел бергә яшәүләренең 20 еллык юбилеен билгеләп үтүче Александр һәм Ирина Ситривановлар гаиләсе өч бала тәрбияләп үстергән.

Әлмәт муниципаль районы башлыгының рәхмәтен шулай ук Рифгать һәм Гөлназира Хәбировлар, Николай һәм Елена Григорьевлар, Петр һәм Елена Тихоновлар, Александр һәм Ирина Дерендяевлар, Артур һәм Гөлфия Бакировлар гаиләләренә җиткерделәр.

Нәкъ менә 8 июльдә никах теркәү популяр традициягә әйләнде. Бу көнне Әлмәт ЗАГСында 14 пар үзләренең никахларын теркәделәр. Сәхнәдә искиткеч парны сәламләделәр, ул -Дамир һәм Алена Гатауллиннар гаиләсе булды. Алар никахларын теркәгән 400 нче пар булды. 

Яшь парларны район башкарма комитетының ЗАГС идарәсе җитәкчесе Гүзәл Әмирова котлады: "Без 15 ел инде бу бәйрәмне билгеләп үтәбез. Ул безгә гаиләдән дә мөһимрәк һәм кыйммәтлерәк нәрсә юклыгын искә төшерә. Безнең районда ярты ел эчендә 928 туу турында акт теркәлде. Икеләтә бәхет 9 гаиләдә булды. Бүген без 14 пар никахын теркәдек. Ярты ел эчендә 400 яңа гаилә туды. Гаиләләр нык булсын һәм һәр гаиләдә мәхәббәт һәм тугрылык хөкем сөрсен!".

Аннан соң алар Әлмәт районы һәм Әлмәт шәһәре пенсия фонды идарәсе җитәкчесе Фая Якупова һәм ТР Хезмәт, мәшгульлек һәм социаль яклау министрлыгының Әлмәт районындагы социаль яклау идарәсе башлыгы Рөстәм Гәрәев белән бергә ана капиталы сертификатлары тапшырдылар.

Бәйрәм вакытында парк мәйданчыкларында интерактив нокталар ( мастер-класслар, фотозона,  курчаклар, спорт уеннары, тематик күргәзмәләр, һөнәрчеләр гильдиясе ярминкәсе) эшләде.

Фото: Әлмәт муниципаль районы башлыгының матбугат хезмәте