«Алтын алмалар турында әкиятләр»нең биш сезоны Әлмәткә 40 яңа арт-объект бүләк итте

5 ел Әлмәттә «Алтын алмалар турында әкиятләр» паблик-арт проекты тормышка ашырыла. Петербургның стрит-арт тикшеренү институты һәм «Татнефть» компаниясе шәһәр картасына бер-бер артлы объектлар төшерә. Гомумән алганда, аларның саны 40тан артык. Программа 2023 елның ноябрендә тәмамланды. Соңгы скульптура «Яшьлек» микрорайонында барлыкка килде.

Бишеллыкны символик рәвештә «Алма агачы» скульптурасы тәмамлый. Команда аны 25 нче мәктәп каршындагы "Яшьлек" скверына урнаштыра. Скульптура авторы Максим Свищев фикеренчә, стрит-артның якты объектлары  микрорайон төзелешенә бик яхшы туры килә.

Аны төзү өчен командага бер көн кирәк булган. 

Ел уртасында, җәй көне, индустриаль сквер «Архетайзер» архитектура порталыннан «аерым искә алу» номинациясендә приз ала.

"Конкурсның жюри составына бөтен дөньяның 250 әйдәп баручы архитекторы керә. Карим Рашид и Коичи Такада кебек шәхесләр бар", – диде "Алтын алмалар турында әкиятләр" проекты кураторы Полина Ёж.

Җәй көне «Юбилейный» артындагы шарлавыклы буалардагы чишмәне реконструкцияләү тәмамлана. Проектның иҗади коллективы бу эштә Әлмәт өчен әһәмиятле ресурс – Чупай ташын кулланырга карар итте.  Шул ук елда Төзүчеләр проспектында «Великан», Совет урамында «Радиолярия» барлыкка килә. 5 ел дәвамында Әлмәттә алты илдән, шул исәптән Испания, Уругвай, Италиядән рәссамнар һәм архитекторлар эшли. Алга таба планнарда җирле рәссамнарның потенциалын ачу. «Татнефть» ярдәмендә стрит-арт дөньясының талантлы кешеләре остаханәләрдә һәм арт-резиденцияләрдә үз проектлары өстендә эшләү өчен җиһазлар һәм материаллар алачак.