Әлмәттә профсоюз әгъзалары өчен физкультура-сәламәтләндерү чарасы узачак

9 июньдә 10.00 сәгатьтән 12.00 сәгатькә кадәр Әлмәт шәһәр паркында профсоюз әгъзалары-эшләмәүче пенсионерлар өчен «Фитнес белән очрашу» физкультура – сәламәтләндерү чарасы узачак, дип хәбәр итә шәһәр паркы.

Чара программасында: өлкәннәр өчен фитнесның файдасы турында лекция, терәк-хәрәкәт аппараты өчен фитнес, шулай ук хәтерне ныгыту өчен фитнес, концерт программасы, мастер-класслар, эстафеталар, аниматорлар, активлык нокталары.