Биектауда 50 гектар җирдә чүп үләне үстергән өчен хуҗага 10 мең сум штраф салынды
Татарстанның Биектау районында Россельхознадзор инспекторлары тарафыннан үткәрелгән тикшерү нәтиҗәсендә, өч авыл хуҗалыгы җире кишәрлеге хуҗасы чүп үләннәрен юк итмәгән өчен административ җаваплылыкка тартылган.
Россельхознадзорның ТР буенча идарәсе хәбәр итүенчә, Биектау районы Шәпше авылы янындагы гомуми мәйданы 50 гектар булган өч җир кишәрлегендә чүп үләннәре һәм куакларның контрольсез үсеше теркәлгән. Милекчегә карата штраф санкциясе кулланылган, әмма җәза чүп үләннәренең үзенә түгел, ә узган елгы тикшерүдән соң бирелгән предписаниене үтәмәүгә бәйле.
Җир хуҗасына барлык хокук бозуларны 2025 елның ноябренә кадәр төзәтергә кушылган булган, ләкин ул участокта тәртип урнаштыру белән шөгыльләнмәгән. Нәтиҗәдә, аңа 10 мең сум күләмендә штраф язылган. Инспекторлар штраф түләнгәннән соң җир кишәрлегенә кабаттан чыгып, яхшырту эшләренең башкарылуын тикшерергә ниятли.
Моннан тыш, белгечләр бакчасыларның исенә төшерә: әгәр җир участогында куркыныч үсемлекләр, мәсәлән, Сосновский борщевигы табылса, физик затларга штраф күләме 20 меңнән алып 30 мең сумга кадәр җитә ала.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia