Татарстанда көчле җил һәм яңгыр көтелә
Татарстан республикасы гидрометүзәге 14 ноябрь, җомга көне республика буенча урыны белән яңгыр һәм секундына 15–17 метрга җитәрлек көчле җил көтүен хәбәр итте.
Татарстан Республикасы Гидрометеоүзәге мәгълүматы буенча, җомга көне — 14 ноябрьдә республика буенча урыны белән яңгыр яварга мөмкин. Көньяк һәм көньяк-көнбатыш яктан җилнең тизлеге секундына 15–17 метрга җитәчәк.
Алдагы төнге сәгатьләрдә һава температурасы 0…+5°С арасында булачак, көндез +4…+9°С кадәр җылыныр. Казанда төнлә +2…+4°С, көндез +7…+9°С булачак.
Синоптиклар һава шартларын исәпкә алып, тышкы активлыкны һәм юл-йөрешне планлаштырганда сак булырга чакыралар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
