Республика клиник хастаханәсенең яңа трансплантация үзәгендә эчәк, йөрәк һәм үпкә күчереп утыртылачак

Татарстан республикасы клиник хастаханәсенең яңа трансплантация һәм югары технологияле хирургия үзәген проектлау тулы көченә бара. Аның нинди булачагы турында «Татар-информ»га  клиниканың баш табибы Рафаэль Шәвәлиев сөйләде.

"Бүгенге көндә хастаханә ресурслары бинаның проект үзенчәлекләре белән чикләнә. Биналар күптән проектланган, без кулланган югары технологияләр исәпкә алынмаган. Хәзерге вакытта күп кенә технологияләр инновацияләр тоташуында үсеш ала. Бу эндохирургия, робот технологиясе. Моның өчен шартлар кирәк. Рөстәм Миңнеханов республика клиник хастаханәсендә югары технологияле хирургиянең барлык төрләре, шул исәптән трансплантация дә тәкъдим ителәчәк үзәк булдырырга кирәк дигән карар кабул итте", – дип сөйләде «Татар-информ» га республика клиник хастаханәсенең  баш табибы.

Шәвәлиев сүзләренчә, яңа үзәктә бөер һәм бавырны гына түгел, ашказаны асты бизен, эчәклекне, йөрәкне һәм үпкәләрне күчереп утырту буенча операцияләр ясалачак.

 

"Якын арада бу проект тормышка ашыруга әзер булыр, ә алга таба төзелеш булыр дип өметләнәбез. Бу юнәлешләр буенча эшләүче команда әзер. Ул бүгенге көндә үзен тулысынча аклый һәм бу бурычларны тормышка ашыра", - дип сөйләде Рафаэль Шәвәлиев.

Үзәк бинасында җиде кат булачак, аның гомуми мәйданы 29 мең квадрат метр. Хәзерге вакытта сүз 250 койка турында бара.