Көчләре - беләктә
Сочи шәһәрендә пауэрлифтинг һәм спортның көч төрләре буенча Европаның ачык финалы узды.
Әлмәт спортчыларына әлеге ярышларда тиң-нәр табылмады. «Татнефть» ААҖ хезмәткәре Александр Ильин М-4 ветераннары арасында беренче урынны яулады. 24 нче мәктәп укучысы Марат Галипов, мөмкинлекләре чикләнгән спортчы, следж-хоккей буенча команда тренеры Богдан Мохов шулай ук җиңү яуладылар. Владимир Тихонов исә экскалибур күтәрүдә беренче булды. М-4 ветераннары арасында ятып штанга күтәрү буенча «Мирас» спорт комплексы тренеры Ришат Фәттаховка тиңнәр табылмады. Ул абсолют чемпион титулына лаек булды. Спортчыларыбыз катнашачак киләсе ярышлар - «Алтын юлбарыс» ачык дөнья чемпионаты кысаларында спортның көч төрләре фестивале узачак. Ул 21-23 сентябрьдә Екатеринбург шәһәрендә үтәчәк.
Егетләребезне уңышлы чыгышлары белән котлыйбыз һәм алдагы ярышларда да җиңүләрен теләп калабыз.
Следите за самым важным и интересным в Telegram-каналеТатмедиа