Әлмәт районында ике Лада автомобиле катнашында юл-транспорт һәлакәте булды

Ике автомобиль катнашында юл һәлакәте 23 июньдә 10.25 сәгатьтә Әлмәт районында Казан – Оренбург автомобиль юлында булды. Бу хакта Россия Эчке эшләр министрлыгының Әлмәт районы буенча бүлегенең ЮХИДИ хәбәр итә.

1986 елда туган шофер, Лада Ларгус автомобиле белән  Лениногорск ягыннан барган. Боҗрага кергәндә 1982 елда туган шофер идарә иткән Лада Гранта автомобиле белән бәрелешә.

Авария нәтиҗәсендә 2007 елда туган Лада Ларгус автомобиле пассажиры тән җәрәхәтләре белән хастаханәнең кабул итү бүлегенә китерелә һәм нейрохирургия бүлегенә озатыла, 2017 елда туган Лада Ларгус автомобиле пассажиры, медиклар тикшерүеннән соң , өенә җибәрелә.