Әлмәт районында автомобиль юл читенә төшеп киткән, пассажир һәлак булган
Фаҗига җомга көнне Әлмәт-Азнакай автомобиль юлында булды.
23 июньдә Әлмәт районында Әлмәт-Азнакай автомобиль юлында юл-транспорт һәлакәтендә пассажир һәлак булды. Бу хакта Россия Эчке эшләр министрлыгының Әлмәт районы буенча бүлегенең ЮХИДИ хәбәр итә.
Беренчел мәгълүматлар буенча, 1978 елда туган ВАЗ-21140 автомобиле йөртүчесе, Әлмәт ягыннан Азнакай юнәлешендә хәрәкәт иткәндә, юл хәрәкәте иминлеген тәэмин итүче тизлекне сайламаган, руль белән идарәне югалткан, юл читенә төшеп ауган.
Юл-транспорт һәлакәте нәтиҗәсендә 1987 елда туган пассажир алган җәрәхәтләрдән реанимациядә вафат була.
Фото: Россия Эчке эшләр министрлыгының Әлмәт районы буенча бүлегенең ЮХИДИ идарәсе
Следите за самым важным и интересным в Telegram-каналеТатмедиа
Оставляйте реакции
