Роспотребнадзор яшь әлмәтлеләрне файдалы итеп тукланырга өйрәтә

Витаминнарны кем уйлап чыгарган, аларның һәрберсе нинди ризыкларда бар һәм аларның җитмәве аркасында нәрсә була? Боларның барысын балалар Роспотребнадзор тарафыннан Әлмәттә эшли башлаган "сәламәт туклану мәктәбе"ндә белделәр. Гади һәм динамик дәресләрдән соң балалар үз гаиләләрендә ни дәрәҗәдә дөрес туклануларын аңлый алдылар.

11 нче мәктәптә файдалы дәрес үтте. "Демография" милли проекты һәм "җәмәгать сәламәтлеге" федераль проекты кысаларында 8-11 яшьлек балалар өчен җәйге сәламәт туклану мәктәбе ачылды. Бу Роспотребнадзорның пилот программасы. 

Дәрестә кешегә кирәкле файдалы матдәләр турында сөйләделәр. Балалар витаминнарны галим Казимир Функ ачканлыгын белделәр һәм гипервитаминоз белән авитаминоз арасындагы аерманы аңладылар.  "Сәламәт туклану мәктәбе"  балаларда дөрес гадәтләр формалаштыру өчен кирәк.

- Проектның бурычлары – мәктәп укучыларында туклануның дөрес рационы, аның сәламәтлекне саклаудагы роле, рациональ булмаган туклану белән бәйле сәламәтлек куркынычларын профилактикалаудагы роле турында белем формалаштыру, - дип хәбәр итте Роспотребнадзорның ТР буенча Роспотребнадзор Идарәсе территориаль бүлеге башлыгы урынбасары Рамил Әхмәров.

Программа 5 көн укытуны үз эченә ала.

Фото: скрин видео ЮВТ