Әлмәт районында ел башыннан 76 янгын теркәлгән

🔥 Ел башыннан бирле районда 76 янгын теркәлгән, зыян күрүчеләр һәм һәлак булучылар бар. Хәзерге вакытта  коры үлән һәм чүп яну куркыныч тудыра — быел 12 шундый очрак теркәлгән. 

Йорт яны участокларында язгы тәртип урнаштыру бара. Үсемлек калдыкларын утильләштерү кагыйдәләрен искә төшерәбез.

 Контейнер-ботаклар өчен түгел –  Ботаклар, агач кисәкләре, һәм агач төпләре каты коммуналь калдыкларга керми. Хокук бозучыларга 2 мең сумнан штраф салынган.

 Ботакларны утильләштерүнең төп ысулы-яндыру, эшкәртү яки компостлаштыру. Шул ук вакытта янгын куркынычсызлыгы кагыйдәләрен истә тоту мөһим:
• Чүп-чарны җилсез вакытта металл савытта яки чокырда гына яндырырга мөмкин.
• Ачык ут өчен урын корылмалардан кимендә 15 метр ераклыкта булырга тиеш (металл мичкәдә – кимендә 7,5 метр). 
• Янәшәдә янгын сүндерү чаралары (су, ком яки янгын сүндергеч) булырга тиеш.

 Махсус янгынга каршы режим вакытында 25 апрельдән 11 майга кадәр чүп яндыру һәм учак ягу тыела – хокук бозучыларга 20 мең сумга кадәр штраф яный. Ботакларны һәм яфракларны режим тәмамланганчы куркынычсыз урында сакларга кирәк.