Әлмәттә халыкны эш белән тәэмин итү үзәге «Кадрлар» илкүләм проекты буенча ремонтланды
Модернизация 2021 елда башланды.
Әлмәттә халыкны эш белән тәэмин итү үзәге «Кадрлар» илкүләм проекты буенча ремонтланды
Әлмәт халыкны эш белән тәэмин итү үзәген «Кадрлар» милли проекты кысаларында модернизацияләү уңышлы тәмамлады. Модернизация 2021 елда башланды, һәм 2022 елның февралендә үк әлмәтлеләр эш эзләүчеләр һәм эш бирүчеләр өчен заманча, уңайлы пространствоны бәяли алды. Агымдагы елда модернизацияләү процессы төгәлләнде.
Шунысын да билгеләп үтәргә кирәк, Әлмәт шәһәренең «Россия эше» кадрлар үзәге халыкны эш белән тәэмин итү өлкәсендә һөнәри осталык бөтенроссия конкурсының төбәк этабында «Россия эше» номинациясендә лаеклы җиңүче булды һәм хәзер конкурсның федераль этабында Мәскәүдә республика данын яклаячак.
Моннан тыш, үзәк аерым ярдәмгә мохтаҗ гражданнарны эшкә урнаштыруда гаҗәеп нәтиҗәләр күрсәтә. Мәсәлән, белгечләрнең индивидуаль якын килүе һәм нәтиҗәле эше нәтиҗәсендә эш эзләүдә ярдәм сорап мөрәҗәгать иткән инвалидларның 100% ы эшкә урнаштырылган – 41 кеше тормышта үз урынын тапкан. Моннан тыш, үзәк сугышчан хәрәкәтләр ветераннарын һәм балигъ булмаганнарны эшкә урнаштыру мәсьәләләрендә эш бирүчеләр белән актив хезмәттәшлек итә.
Әлмәт кадрлар үзәге эшенә Татарстан республикасы хезмәт министры Эльмира Зарипова югары бәя бирде, ул үзәктә Әлмәт районы башкарма комитеты җитәкчесе Гүзәл Хәбетдинова белән булган иде.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia