Әлмәттә махсус хәрби операциядә һәлак булганнарның гаиләләренә азык-төлек һәм көнкүреш химиясе җыелмалары тапшырыла
Татарстанда «Нәфис» фондының махсус хәрби операциядә катнашучыларның гаиләләренә ярдәм итүгә юнәлдерелгән хәйрия акциясенең өченче этабы старт алды.
Әлмәт районы өчен җыелмалар район башкарма комитеты ярдәмендә формалаштырылды. Ярдәм Дәүләт Думасы депутаты Богуславский Ирек Борисович инициативасы буенча «Нэфис» хәйрия фонды тарафыннан күрсәтелде.
Мондый бүләкләрне махсус операциядә һәлак булган катнашучыларның гаиләсенең һәр әгъзасы, шулай ук I һәм II төркем инвалид булган сугышчыларның гаиләләре алачак. Һәр җыелманың күләме уртача ярты елга исәпләнгән.
Гаиләләргә җыелмалар әгъзалар саны буенча тапшырыла. Гаиләнең һәр әгъзасына исәп-хисап белән «Нәфис» фонды озак саклана торган туклану продуктлары — тушенка, төрле ярмалар, макарон, шикәр, он, үсемлек мае, майонез, кетчуп һәм джем җибәрә.
Көнкүреш химиясе исемлегенә савыт-саба юу чаралары, кер юу һәм чистарту порошоклары, шампуньнар, каты һәм сыек сабын керә.
Фото: Әлмәт муниципаль районы башлыгы матбугат хезмәте
Следите за самым важным и интересным в Telegram-каналеТатмедиа
Оставляйте реакции
