Әлмәттәге кадрлар үзәге махсус хәрби операциядән кайткан сугышчыларга эш табарга булыша

Быел «Россия эше» Әлмәт кадрлар үзәге махсусхәрби операциянең  4  катнашучысына эш табарга булышты. Инде булган һөнәр буенча эшкә урнашырга яки яңа белгечлек алырга мөмкин. Мәшгульлек үзәгендә эш эзләүче шәһәр оешмаларында буш эш урыннары турында мәгълүмат алырга, шулай ук хезмәт һәм мәшгульлек турындагы законнар мәсьәләләре буенча киңәшләшергә мөмкин.

«Россия эше» кадрлар үзәгенә эш эзләпхәрбиләр дә мөрәҗәгать итә. Мәшгульлек хезмәте белгечләре хәрби хезмәткәрләр өчен вакансияләрне индивидуаль сайлый. Ир-атның мөмкинлекләре, өстенлекләре һәм хезмәт шартлары исәпкә алына. «Безнең белгечләр махсус хәрби операциянең һәр катнашучысына һәм аларның гаилә әгъзаларына кулай эш эзләүдә ярдәм итәчәк. Белгечлек алу яки квалификация күтәрү өчен укыту курслары буенча консультацияләр бирәчәкләр», - дип сөйли Әлмәт мәшгульлек үзәгенең эш белән тәэмин итүчеләргә хезмәт күрсәтү бүлеге башлыгы Аделина Бакирова. Мәшгульлек үзәгендә уку киләсе елга да дәвам итәчәк. Кайбер белгечлекләр буенча курслар планлаштырылган инде. «1С-предприятие, ЭВМ операторы, троллейбус йөртүчесе, шәхси сакчы. Моннан тыш, «Демография» милли проекты буенча дистанцион укыту бар. Биредә төрле категориядәге гражданнар укый ала, шул исәптән махсусхәрби операция катнашучылары да», - дихезмәт күрсәтү бүлеге җитәкчесе урынбасары Лиса Журавлева. Дистанцион укыту өчен юнәлешләр көндезгедән баерак. Быел алар 300 гә якын иде. Онлайн уку өчен студент эшкә урнашырга мөмкин, көндезге өчен – эшсез статусы мәҗбүри. Моннан тыш, хәрби хәрәкәтләрдә катнашучылар вакансияләр ярминкәсендә дә күңелләренә ятышлы эш таба алалар.

«Махсусхәрби операциядә катнашучылар һәм аларның гаилә әгъзалары өчен махсус вакансияләр ярминкәләре үткәрелә. Бу «Ватанны саклаучылар» фонды һәм шәһәр предприятиеләре белән берлектә. Максат – бу категория кешеләренә оешмаларда булган вакансияләр һәм эш шартлары турында мәгълүмат бирү», - дип белдерде эш бирүчеләргә мәшгульлек өлкәсендә хезмәт күрсәтү бүлеге башлыгы Аделина Бакирова.

Мәшгульлек үзәгенә беренче килү өчен хәрби хезмәткәр дәүләт хезмәтләреннән үзенең паролен белергә тиеш. Бу электрон гариза бирү өчен кирәк. Зур пакет документлар җыярга туры килмәячәк. Сугыш хәрәкәтләрендә катнашучыга үзе белән паспорт кына кирәк. Аның белән ул 105 нче кабинетка килә, алдан язылмыйча. Быел мәшгульлек үзәгенә сугыш хәрәкәтләрендә катнашкан 4 кеше мөрәҗәгать итте. Алар барысы да шәһәр предприятиеләренә эшкә урнаштырылган.