Әлмәт экопаркында кошларны күзәтү өчен вышка урнаштырачаклар
Моннан тыш, шәһәр сусаклагычы территориясендәге күпер яктыртылачак.
Әлмәт районы башкарма комитеты җитәкчесе вазифаларын башкаручы Гүзәл Хәбетдинова шәһәр сусаклагычында эшләр барышы белән танышты. Җирле хакимият вәкилләре хәбәр иткәнчә, 2024 ел ахырына кадәр күпердә яктырткычлар урнаштырачак. Кичләрен конструкция яктыртылачак. Экопарк зонасында күпфункцияле комплекс һәм кошларны күзәтү өчен вышка барлыкка киләчәк. Территорияне җиһазларны монтажлау өчен әзерләгәннәр инде.
Моннан тыш, Фатыйх Кәрим урамындагы җиденче чиратны төзекләндерү буенча эшчеләр инженерлык коммуникацияләрен, шул исәптән газ һәм электр белән тәэмин итүне эшләргә керештеләр. Хәбетдинова объектта эшләр алып бару темпларын тизләтергә кушты, дип ассызыклыйлар Әлмәт районы башлыгы матбугат хезмәтендә.
Фото: t.me/pressalmet
Следите за самым важным и интересным в Telegram-каналеТатмедиа
Оставляйте реакции
