Әлмәттә милли проект буенча юлларны ремонтлыйлар

Республикада «Имин һәм сыйфатлы автомобиль юллары»программасы буенча эшләр дәвам итә. Узган ел 14 километрдан артык озынлыктагы төбәк әһәмиятендәге трассалар участокларына ремонт ясалган. Быел Әлмәт районында 3 километрга якын юл яңартылган. Татарстанда юлларны ремонтлауга быел 83 миллиард сум акча бүлеп бирелгән. Шуларның 8е «Имин сыйфатлы юллар» милли проектын гамәлгә ашыруга туры килә. Бу акчаларга «Әлмәт-Мөслим» юлы участогы һәм «Рус Акташы - Азнакай»  трассасындагы күпер ремонтланган.

Узган ел милли проект буенча Әлмәт районында төбәк әһәмиятендәге 14 километрдан артык юл ремонтланган. Быел – 3 чакрымга якын. Милли проект буенча эш республикада 2025 елда да дәвам итәчәк. «6,7 миллиард федераль бюджет, юлларга гомуми бюджет – 35,8», - диде  ТР Транспорт һәм юл хуҗалыгы министры урынбасары Артем Чукин. Проект инде 8 нче ел гамәлдә. Бу вакыт эчендә Әлмәт районында 35 километрга якын юл ремонтланган.