Әлмәт сусаклагычында эшләр дәвам итә

Бүгенгә биредә бик күп эшләр башкарылган инде, шулай да күперне төзү, сукмаклар салу буенча һ.б. эшләр дәвам итә әле. Инде төзекләндерелгән урыннарда ял итүчеләр аз түгел. Шунысы да игътибарга лаек, машина кую урыннары, тротуарлар, эскәмияләр бик яхшы итеп ясалган, һәркайда видеокамералар куелган. Сабантуй күперенең икенче ягында да шундый ук ял зонасы булырга охшаган. Анда да сукмаклар салалар, нәрсәләрдер төзиләр. Кыскасы, әлмәтлеләр һәм калабыз кунаклары өчен искиткеч матур, уңайлы ял итү урыны булырга тиеш бу сусаклагыч.