Әлмәттә юл хәрәкәте иминлегенә багышланган семинарга республиканың 10 районыннан кунаклар килде
Әлмәттә STEAM системасы буенча балаларны юл кагыйдәләренә ничек өйрәтергә икәнен күрсәттеләр.
Әлмәтнең «Жар птица» 6 нчы мәктәпкәчә белем бирү учреждениесендә региональ семинар булды.
Шәһәрдә Татарстанның ун районыннан килгән педагоглар өчен семинар-практикум узды. Катнашучылар балалар бакчаларында юл хәрәкәте кагыйдәләрен өйрәнгәндә кулланыла торган заманча алымнар белән таныштылар.
STEAM системасы фән, технология, инженерлык һәм математиканы берләштерә. Барысы да бар: робототехникадан алып хәрәкәтчән уеннарга кадәр.
Семинарда 50 кеше катнашты. Яңа методиканы «Юл хәрәкәте иминлеге» ДБУ, тормыш иминлеге фәнни үзәге белгечләре һәм дәүләт автоинспекциясе хезмәткәрләре югары бәяләде.
Фото: Россия Эчке эшләр министрлыгының Әлмәт районы буенча бүлегенең ЮХИДИ идарәсе
Следите за самым важным и интересным в Telegram-каналеТатмедиа
Оставляйте реакции
