Ни өчен редиска ярыла һәм моңа каршы нинди чаралар күрергә мөмкин?

• Еш чәчү. Әгәр редиска бик еш утыртылган булса, аңа яктылык җитми. Бу тамыразыкларның деформациясен китереп чыгара. Шуның нәтиҗәсендә редиска ярыла башлый. 
• Дым җитмәү. Әгәр дә редискага озак вакыт су сибелми икән, бигрәк тә эсседә, тамыразык шулай ук дөрес үсми башлый. 
•  Кислород җитмәү. Җирне яңгырлардан һәм су сибүдән соң йомшартмаган очракта ул кислородны үткәрми торган корка белән капланачак. Нәтиҗәсе шулай ук уңай булмаячак. 
• Тигез итеп су сипмәү. Бу редиска ярылуның иң еш сәбәбе булып тора. 

Редиска ярылмасын өчен нишләргә соң?

•  Редис орлыкларын кимендә бер-берсеннән 3-5 см ераклыкта чәчәргә кирәк.
•  Чүп үләннәре редискага үсәргә комачаулый. Шулай ук аны кысып, корткычлар һәм авырулар белән зарарлану куркынычын арттыра. Түтәлләрне утау шулай ук мөһим процедура булып тора. 
•  Редискага  еш һәм мул итеп су сибәргә кирәк, дым тамырлар үсү тирәнлегенә үтеп керергә тиеш. 
• Эссе һава торышы булганда тәүлегенә 1-2 тапкыр, иртән һәм кичен су сибәләр. Болытлы көннәрдә суны атнага 2-3 тапкыр сибәргә кирәк.