Болгар борычы уңды, нишләтергә?

Ел саен күп итеп борыч уңа, аны нишләтергә ысулын табарга була! Табынга куярга искиткеч тәмле лечо әзерлибез.

Лечо рецепты:

3 кг помидорны иттарткыч аша чыгарырга һәм 15 минут кайнатырга.
2 кг баллы борычны 1,5 см киңлектә озынча итеп турап салырга.
Болгатып тагын 15 минут кайнатырга.
Угычтан уылган 2 баш сарымсак, 120 г шикәр комы, 1 аш кашыгы өеп тоз, 100 мл 9 % аш серкәсе өстәргә.
5 минут кайнаткач, 250 мл үсемлек мае кушарга.
Яхшылап болгатырга һәм парда тоткан банкаларга тутырып, тимер капкач белән ябарга.
Ашыгыз тәмле булсын!