Татарстанда коронавирус белән авыруның 53 очрагы ачыкланган.
Узган тәүлектә коронавирусның яңа 53 очрагы ачыкланган. 24 кеше хастаханәгә урнаштырылган, 29 кеше өйдә дәвалана.
4 мартка Татарстанда 18 184 кешегә коронавирус диагнозы куелган. Коронавирус диагнозы куела башлаганнан бирле 14 842 (+59) кеше терелгән.
86 870 кеше вакцинацияләнгән. 20 506 кеше 2 нче дозаны алган.
Вакцинациягә РФның Дәүләт хезмәтләре порталы, ТР Дәүләт хезмәтләре порталы ярдәмендә, 122 номерына шалтыратып, күп функцияле үзәкләргә мөрәҗәгать итеп һәм хастаханәләргә шалтыратып язылырга мөмкин.