Әлмәттә коры үлән яну очраклары күзәтелә

Гадәттән тыш хәлләр министрлыгында билгеләп үткәнчә, ел саен бу чорда коры үлән яну аркасында янгыннар буенча чакырулар саны арта.

Мондый янгыннар бик тиз тарала һәм зур мәйданнарны били, бигрәк тә көчле җил булганда. Янгыннарның төп сәбәбе - кеше факторы: ут белән саксыз эш итү, учак ягу, үләнгә ут төртү, чүп-чар яндыру, балаларның ут белән шаярулары, сүнмәгән тәмәке төпчекләре. Исегезгә төшерәбез, янгын куркынычсызлыгы кагыйдәләрен бозган өчен гражданнар өчен административ һәм җинаять җаваплылыгы каралган. Янгын чыккан очракта, кичекмәстән  «01», «101» яки «112» телефоны аша хәбәр итегез, вакыйга урынының адресын төгәл әйтегез.