Әлмәттә Корбан бәйрәменнән соң буада хокук бозу ачыкланган

Әлмәттә «Алсу» микрорайонындагы буада Корбан бәйрәменнән соң сугымнан калган кисәкләр табылган. Бу хакта район башлыгының матбугат хезмәте хәбәр итә.

Шәһәр хезмәтләре тиз арада җавап бирәләр һәм эшкә кушылалар. Хәзерге вакытта буа чистартылган.

"Хөрмәтле әлмәтлеләр, Әйдәгез, бер-беребезне һәм әйләнә-тирәбезне хөрмәт итик! Әгәр дә без булмасак, кем безнең табигатебез турында кайгыртачак?!", - дип әйтелә матбугат хезмәте мөрәҗәгатендә.
 

Фото: Әлмәт районы башлыгы матбугат хезмәте