Әлмәт районында бер оешма елганы пычраткан

Экологлар Әлмәт районындагы Тихоновка авылы янында су объектларын саклау кагыйдәләрен бозу очрагын ачыклады. Бу хакта ТР Экология һәм табигый ресурслар министрлыгының Матбугат хезмәте хәбәр итә.

Экология министрлыгының көньяк-көнчыгыш территориаль идарәсе белгечләре территорияне тикшерде һәм җир эшләре алып барган предприятиенең Дала Зәенә балчыклы эремә агызуын күрәләр. Шулай ук аларның горизонталь юнәлешле бораулау өчен мотопомпага тоташтырылган гофрацияләнгән шланг ярдәмендә елгадан су алуы ачыклана. Елгадан сигез метр ераклыкта, яр буе полосасында, транспорт чаралары булуы да ачыклана.

Юридик затка карата беркетмәләр төзелә.