Әлмәттә Җиңү көненә куркынычсызлык чаралары көчәйтеләчәк

Әлмәт башкарма комитеты җитәкчесе 9 Май бәйрәме вакытында куркынычсызлык чараларын көчәйтергә кушты. Барлык бәйрәм мәйданчыкларында медицина хезмәткәрләре, хокук саклау органнары хезмәткәрләре, волонтерлар һәм халык дружиналары вәкилләре кизү торачак. Шулай ук тикшерү оештырылачак.

Сугышчан дан монументларын, һәйкәлләрне һәм Бөек Ватан сугышы сугышчыларын күмү урыннарын саклауга аерым игътибар бирәләр.

 Ашыгыч хезмәтләр телефоннары:

101 – янгын сагы

102 – полиция

103 – ашыгыч медицина ярдәме

104 – авария  газ хезмәте

112 – ашыгыч хезмәтләрне чакыруның бердәм номеры