«Яшь профессионаллар - 2022» бәйгесендә медальләр саны буенча татарстанлылар икенче урын алды
Татарстанлылар 14 алтын, 24 көмеш, 13 бронза медаль һәм һөнәри осталыклары өчен 14 медальонга ия булган.
Татарстан Саранск шәһәрендә узган «Яшь профессионаллар — 2022» X Милли чемпионатының медаль зачетында икенче урынны алды.
Гомумкоманда рейтингында шулай ук финалга тиңләштерелгән язгы йомгаклау ярышлары нәтиҗәләре дә исәпкә алынды. Ул вакытта Татарстан вәкилләре 20 алтын, 18 көмеш, 26 бронза медаль һәм 45 медальон алган иде.
Саранскта узган бәйгедә 280 конкурсант 25 компетенциядә көч сынашты. Тагын 41 компетенциядәге 700 кеше конкурста дистанцион рәвештә катнашты.
«Һөнәри осталык буенча Татарстан җыелма командасы Россиядә 10 ел дәвамында лидерлар рәтенә кереп барды. Юбилей чемпионатында да безнең команда бик яхшы нәтиҗәләр күрсәтте. Елдан-ел ярышу кыенлаша бара, чөнки төрле төбәкләрдән катнашучыларның осталыгы арта», – дип сөйләде ТР һөнәри компетенцияләрне үстерү үзәге генераль директоры Эмиль Гобәйдуллин.
Следите за самым важным и интересным в Telegram-каналеТатмедиа
Оставляйте реакции
