5 сентябрьдә Каракүз скверында «Сәхтиан» урам спектакле — татар һөнәрчелеге, хәтер һәм буыннар бәйләнеше тарихы күрсәтеләчәк.
Куелышның төп герое-клоун-һөнәрче, ул аяк киемен тамашачылар күз алдында ясый. Тарих гадәти диалоглардан башка — хәрәкәт, музыка, предметлар һәм оста эше аша ачыла.
Спектакльдән соң тамашачылар татар күн һөнәре белән таныша, эшләнмәләрне карый һәм орнаментлар турында күбрәк белә алачак.
Башта күрсәтүне 23 августка планлаштырганнар иде, әмма көтелмәгән хәлләр аркасында үткәрү датасын һәм урынын үзгәрттеләр.