«Көзге каникуллар» профилактик чарасы дәвам итә.
Әлмәттә «Көзге каникуллар» профилактик чарасы старт алды.
Ул 8 ноябрьгә кадәр дәвам итәчәк. Дәүләт автоинспекциясе хезмәткәрләре балалар катнашындагы юл-транспорт һәлакәтләрен кисәтүгә юнәлдерелгән рейдлар һәм профилактик чаралар үткәрүләрен дәвам итәләр.
51нче балалар бакчасында ЮХИДИ хезмәткәрләре белән берлектә “Мәктәпкәчә яшьтәге сәламәт һәм имин бала: балалар бакчасының һәм гаиләләрнең юл хәрәкәте һәм юл хәрәкәте иминлеге күнекмәләрен формалаштыру буенча үзара хезмәттәшлегенең нәтиҗәле практикасы» темасына багышланган чара булып узды.
Чара педагогларны, ата-аналарны һәм балаларны үз сәламәтлегеңә һәм юлдагы куркынычсызлыкка аңлы мөнәсәбәт тәрбияләү буенча мөһим эшкә берләштерде.
Чара
Балалар һәм аларның ата-аналары «Юл кагыйдәләре иленә сәяхәт»кә чыктылар. Балалар мавыктыргыч уен формасында әти-әниләре белән бергә юл билгеләре, юл аша чыгу кагыйдәләре һәм юл янында үз-үзләрен куркынычсыз тоту буенча белемнәрен ныгыттылар.
«Юл хәрәкәтенең грамоталы катнашучысы гаиләдән башлана» эшлекле уен форматындагы мастер-класс катнашучыларда аеруча зур кызыксыну уятты.
Тәрбиячеләр өлкәннәргә юл куркынычсызлыгы мәсьәләләренә ситуацияләрне модельләштерү, типик хаталарны тикшерү һәм уртак чишелешләр эзләү аша карарга тәкъдим иттеләр.
- Уен ата-аналарга балаларда көн саен дөрес гадәтләр һәм куркынычсыз тәртип күнекмәләрен формалаштырырга ярдәм итте. Барлык катнашучыларга да яктылыкны кире кайтара торган элементлар тапшырылды. Резеда Исмәгыйлева