Суд өлешчә дәгъваны канәгатьләндергән.
Әлмәттә яшәүче хатын-кыз юл-транспорт һәлакәтеннән соң зыянны өлешчә каплауга ирешкән. Бу хакта шәһәр суды матбугат хезмәте хәбәр итте.
Хатын-кыз сүзләренчә, «ГАЗ Бизнес» авто йөртүчесе артка таба хәрәкәт иткәндә аның тукталган «Хендай» автомобиленә килеп бәрелгән. Иминият компаниясе авто хуҗасына 58 500 сум түләгән инде. Әмма экспертиза күрсәткәнчә, детальләрнең тузуын исәпкә алмыйча ремонт 166 500 сумга төшәчәк. Аерма 108 000 сум тәшкил иткән. Бу суммадан тыш, дәгъвачы гаепледән башка чыгымнарны да түләтүне сораган.
Суд дәгъваны өлешчә канәгатьләндерде. Җавап бирүчедән зыянны каплау хисабына 108 000 сум, шулай ук белдерелгән башка чыгымнарны түләтәчәкләр.
- Таләпләрнең калган өлешендә суд баш тартты. Шул ук вакытта экспертлар, детальләрнең тузуын исәпкә алып, ремонт бәясен 110 500 сум дип бәяләделәр. Эксперт бәяләмәсен суд дөрес дип таныды.