Аек булмаган хәлдә автомобиль руле артына утырган әлмәтлегә 30 мең сум күләмендә штраф билгеләнгән

Бу елның 15 ноябрендә  Әлмәт судының 1 нче суд участогы җәмәгать судьясы тарафыннан исерек хәлдә автомобиль белән идарә иткән өчен административ хокук бозу турында эш карап тикшерелде. Бу хакта районның юл хәрәкәте иминлеген тәэмин итү комиссиясе хәбәр итә.

29 октябрьдә якынча 20.21. сәгатьтә  Л.А. Зиннуров исерек хәлдә автомобиль белән идарә итә, шулай ук машина йөртүче полиция хезмәткәренең исереклеккә медицина тикшерүе узу турындагы законлы таләпләрен үтәми.

Әлеге хокук бозуны кылуда шоферның гаебе административ хокук бозу, транспорт чарасы белән идарә итүдән читләштерү, исерек килеш руль артына утырудан баш тарткан машина йөртүчене медицина тикшерүенә җибәрү, шулай ук тикшерү акты, рапорт һәм юл-патруль хезмәте инспекторларының язма аңлатмалары белән раслана.

Суд аны 1 ел 6 айга транспорт чаралары белән идарә итү хокукыннан мәхрүм итеп, дәүләт кеременә 30 000 сум күләмендә штраф рәвешендә җәза билгеләде.

Ир эшне тикшергән вакытта беркетмә белән риза була.

Әлеге карар карар кабул ителгәннән соң ун көн эчендә ТР Әлмәт шәһәр судында шикаять бирелергә мөмкин.