Әлмәт медицина хезмәткәрләренә дәүләт бүләкләре тапшырылды
27 апрельдә Татарстан республикасы Сәламәтлек саклау министры Марат Садыйков Россия Федерациясе һәм Татарстан республикасы дәүләт бүләкләрен тапшырды.
Коронавируска каршы көрәшкә керткән өлеше (COVID-19), табиб бурычын үтәгәндә күрсәткән фидакарьлеге һәм югары профессионализмы өчен Әлмәт үзәк район хастаханәсе рентгенолборанты Зарипова Алсу Шакирҗан кызы Россия Федерациясе Президентының Мактау грамотасы белән бүләкләнде.
Күпьеллык нәтиҗәле хезмәте һәм халыкның сәламәтлеген саклауга зур өлеш кертүе өчен Әлмәт үзәк район хастаханәсенең рентген бүлеге рентген лаборанты Әхмәтвәлиев Азат Фаск улы һәм Әлмәт үзәк район хастаханәсенең баш шәфкать туташы Җәлилова Ләйсирә Ильяс кызы Татарстан республикасы Министрлар Кабинетының Рәхмәт хаты белән бүләкләнделәр.
Следите за самым важным и интересным в Telegram-каналеТатмедиа