Әлмәт хакимияте юл ремонты узачак урамнарны атады
Әлмәт районында актив юл-төзелеш сезоны дәвам итә.
Җирле әһәмияттәге юлларны ремонтлауга республика, җирле бюджетлардан һәм бюджеттан тыш чыганаклардан 343 млн сум акча юнәлдереләчәк. Шаген Донгарян, Халыклар дуслыгы, Әнәс Шакирҗанов, Җиңүнең 70 еллыгы, Шамил Надыров,Сказочный, Кырлай һәм башка урамнар вак таш-күл катнашмасы белән яңартылачак.
Балакина, Чернышевский, Карьер, Горная, Совет, Нәүрүз (ДОСААФ) һәм Дуслык микрорайонындагы Биләр урамнары асфальтланырга тиеш. Шулай ук авыл җирлекләрендә 10 урамны ремонтлау планлаштырыла.
Бүгенге көндә Әлмәттә Зифа Балакина урамында ремонт эшләре алып барыла, алар тәмамланганнан соң Чернышевский урамында башланачак. Моннан тыш, Татарстан республикасы рәисенең һәм ТР Дәүләт Советы депутатларының ярдәме белән район хакимияте күп балалы гаиләләрнең микрорайоннардагы юлларны вак ташлау проблемасын хәл итүгә керешү өчен өстәмә финанслау ала алды.
«Эш бара, әкренләп кискен проблемалар бетереләчәк. Беренче чиратта иң зур төзелешле урамнарга, ә аннан соң башка урамнарга да салыначак», - дип аңлатма бирде Әлмәт районы башлыгы Тимур Нагуманов.
Фото: Әлмәт районы башлыгы матбугат хезмәте
Следите за самым важным и интересным в Telegram-каналеТатмедиа