«Безнең ишегалды» бәйрәмен үткәрергә теләгән әлмәтлеләр администрациягә мөрәҗәгать итә алалар

Әлмәттә «Безнең ишегалды – игелекле күршеләр» бәйрәмен һава шартларының начараюы сәбәпле туктаттылар. Көннәр җылынгач, чаралар яңадан башланачак. Бу турыда Әлмәт районы башлыгы Тимур Нагуманов телеграмда турыдан-туры эфир вакытында сөйләде.

«Әгәр сезнең ишегалдында ремонт тәмамланса, бәйрәмне көннәр җылынганчы  үткәрергә теләсәгез, миңа бу хакта телеграмга яки идарәче компанияләр аша хәбәр итегез. Без, һичшиксез, мондый мөмкинлекне карап, җылынуны көтеп тормыйча чараны оештырабыз», – диде район башлыгы.