Әлмәттә «Тоннель» вакытында 65 машина тикшерелде

Әлмәттә Совет урамында 83-нче номерлы йорт янында «Тоннель» операциясе узды. Сәгать ярым эчендә автоинспекторлар 65 машинаны тикшергән, дип хәбәр итә шәһәрнең ЮХИДИ бүлеге.

Барлыгы 15 юл хәрәкәте кагыйдәләрен бозу очрагы ачыкланган. 12 шофер куркынычсызлык каешын эләктермәгән, 1-се баланы балалар кәнәфиеннән башка йөрткән. Бер машинаның номерлары укылмаган, бер йөртүченең документлары булмаган.

Фото: Әлмәт  ЮХИДИ бүлеге.