Әлмәттә туган көнне коймак һәм мастер-класслар белән билгеләп үттеләр

«Игелек бүләк ит» сәламәтлек мөмкинлекләре чикләнгән балаларга ярдәм фондына өч ел тулды.

Оешма  аңа мохтаҗ булган барлык кешеләргә, шул исәптән балалар йортлары, картлар һәм инвалидлар йортлары, күп балалы һәм аз керемле гаиләләргә дә хәйрия ярдәме күрсәтә. Мөмкинлекләре чикләнгән балалар зур ярдәм ала: волонтерлар аларга яңа күнекмәләрне үстерергә, иҗади потенциалны ачарга һәм социаль хезмәттәшлек өчен мөмкинлекләр ача. Нәкъ менә шундый балалар һәм аларның әти-әниләре өчен фонд үзенең туган көне уңаеннан бәйрәм оештырды.

Чара «Электрон» яшүсмерләр клубы территориясендә узды. Килүчеләрне  күңел ачучаралары, тәм-томнар, бүләкләр һәм мастер-класслар сериясе көтте.

Туган көн май чабу атнасына туры килде. Бу вакыйгаларны берләштерергә булганнар — беренче эш итеп кунаклар славян бәйрәменә багышланган халык күңел ачуларына кушылдылар. Оештыручылар Масленица тарихы турында сөйләделәр, аны ничек билгеләп үтүләрен сөйләделәр  һәм балалар өчен Масленица уеннары  үткәрделәр. Әлмәт музыка көллияте студентлары тамашачылар өчен борынгы рус җырларын башкардылар һәм халык уен коралларында уйнадылар.

Ә күрше кабинетта фикерләү процесслары бара — биредә шахмат буенча мастер-класс узды. Дәресләр өчен оештырылган сыйныф, шахмат такталары, парта һәм урындыкларны «Игелек бүләк ит» фонды «Татнефть»  грант ярдәме белән сатып алган. Интеллектуаль уенга өйрәтү күптән түгел генә — сентябрьдә башланды, әмма инде яхшы нәтиҗәләр бар. Укучылар региональ турнирга бардылар,ә кайберләре хәтта призлы урыннар да алдылар.

Шулай ук монда балаларны сынлы сәнгатькә, кул эшләренә һәм башка осталыкларга өйрәтәләр. Шулай ук балалар өчен төрле сәфәрләр оештырыла, конкурслар һәм уеннар үткәрелә. Болар барысы  вак моториканы үстерергә, файдалы күнекмәләр алырга, дөнья күрергә һәм оялу белән көрәшергә ярдәм итә.

- "Игелек бүләк ит" хәйрия фонды кояшлы балаларның әти-әниләренә берләшергә мөмкинлек бирде. Без аралашабыз, уртак проблемалар турында фикер алышабыз һәм аларны бергәләп хәл итәбез. Безне еш кына мастер-классларга чакыралар, аларга без бик теләп йөрибез, эшләнмәләр ясыйбыз. Һәр балага уңай эмоцияләр кирәк, һәм монда безнең балалар аларны тулысынча алалар, - ди әниләрнең берсе Гөлнара Еникеева.

Сүз уңаеннан, фондның өч еллыгына багышланган бәйрәм вакытында әти-әниләрнең үзләрен дә шатлыклы минутлар көтте. Әниләрне матурлык сеансына чакырдылар. Чакырылган консультантлар хатын-кызларга косметиканың төрле төрләре турында сөйләделәр һәм аларга макияж ясадылар. Ә кызларга кунакка чәчтарашлар килде. Кызларга матур прическалар ясадылар, аларны чын принцессаларга  әйләндерделәр.

Бәйрәм чәй өстәле артында тәмамланды. Кунакларны тәмле коймак һәм башка тәм-томнар белән сыйладылар. "Игелек бүләк ит" фонды директоры Гөлнара Әюпова озак еллар дәвамында мөһим миссия башкаруда оештырырга ярдәм иткән һәркемгә рәхмәт белдерде.

- Ярдәмебез өчен «Татнефть» компаниясенә рәхмәт әйтәсе килә, хатын-кызлар советы һәм аның җитәкчесе Роза Әфләтуновага, мәдәният идарәсенә, балалар-яшьләр эшләре һәм спорт идарәсенә, волонтерларыбызга, музыка, физкультура һәм һөнәри көллият студентларына, педагогларга һәм укучыларга рәхмәт. Шәһәрнең битараф булмаган кешеләре һәм эшмәкәрләре башкарган өлешне бәяләп бетергесез, - диде  Гөлнара Робертовна.

Саубуллашканда оешма җитәкчесе фонд ирешелгәннәрдә тукталып калмаячак, алда әле планнар һәм проектлар күп, дип белдерде.

Чыганак