Әлмәт таңнары

Татарстан геопорталында тарихи һәйкәлләрне саклау зоналары барлыкка килде

Геопорталда тәкъдим ителгән мәгълүмат  ЮНЕСКО Бөтендөнья мирасы исемлегенә кертелгән Казан Кремле объектларына да кагыла.

Татарстан геопорталында тарихи һәм мәдәни мирас объектларын саклау зоналары турында белешмәләр пәйда булды. Мәдәни мирас объектларын саклау буенча ТР Комитеты рәисе Иван Гущин хәбәр иткәнчә, мәгълүмат инвесторлар өчен файдалы булырга мөмкин.

 

Ведомство коллегиясендә чыгыш ясап, комитет җитәкчесе 2020 елда Казанның тарихи үзәгендә сак зоналарын билгели торган мөһим документлар раслануын әйтте. Алар Татарстан башкаласының барлык мәдәни мирас объектларына да кагыла, алар шәһәрдә 570 тән артык.

 

"РФ Мәдәният министрлыгы һәм ТР Министрлар Кабинеты тарафыннан билгеләнгән шәһәр регламентларына карата яңа таләпләр тарихи үзәкнең инвестицион климатына уңай йогынты ясаячак. Таләпләр үз эченә һәр зонада төзелеш мөмкинлекләре һәм тыюлары турында тулы мәгълүмат ала. Саклау зоналары, төзелеш һәм хуҗалык эшчәнлеген җайга салу зоналары, саклана торган табигый ландшафт зоналары бар. Мондый зоналар барлыгы 100 дән артык”, - диде Гущин.

 

Кабул ителгән карарларның максималь үтемлелеге өчен без Татарстан Республикасы геопорталына сак зоналары буенча мәгълүмат керттек”, — дип ассызыклады комитет рәисе.

 

 

Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: