Әлмәттә Almet Digital Art фестивале узачак

20 майда Әлмәттә цифрлаштыру елы кысаларында инженерлык лицее базасында Almet Digital Art муниципаль фестивале узачак. Бу хакта Әлмәт районы башлыгы Тимур Нагуманов телеграм-каналда туры эфир вакытында хәбәр итте.

Фестиваль кысаларында масштаблы чаралар узачак:

- цифрлы сәнгать яки Digital art-бу сәнгатьтә компьютер технологияләрен куллануга нигезләнгән юнәлеш, ә нәтиҗәсе-цифрлы формадагы әсәрләр. 6-11 сыйныф укучылары «Сабантуй фәлсәфәсе» темасына цифрлы форматта әсәрләр әзерлиләр – 22 проект.

- цифрлы сервислар-яңа технологияләр, цифрлы продуктлар, ботлар, кушымталар, программалар һ.б., алар яңача эшләргә мөмкинлек бирә һәм миллионлаган кешеләрнең эшен нәтиҗәлерәк итә, ә тормышны – кызыграк.

- инженерлык-техник иҗат (робототехника) – техник иҗат, автоматлаштырылган системалар, алар алдан билгеләнгән программалар буенча эшли.

- Digital Art күргәзмәсе.

Шулай ук TATAR HACK цифрлы карарлар (хакатон) эшләү буенча конкурс узачак.

Өч йөздән артык укучы фестивальдә катнашу өчен гариза биргән инде.