Әлмәт балалар бакчасында музей дәресләре уза

Музей хезмәткәрләре:  "Балалар бик игьтибарлы, актив катнашып, сорауларга дөрес итеп җавап бирәләр. Май яздык, чишмәгә суга бардык, кунакка барып килдек, уенчыкларны, китапларны сакларга кирәклегенә төшендек. Тәртипле, тәрбияле баланы тәрбиясез баладан аерырга өйрәндек, үзебезне тәртипле тотарга өйрәткән Р.Фәхреддин нәсыйхәтләре белән таныштык. Мәктәпкә әзерлек төркемендә балалар аеруча актив, кызыксынучан, тиз отып алалар. Бик күңелле булды үзебезгә дә. Рәхмәт яусын тәрбиячеләргә, дәрес үткәрергә чакырган татар теле укытучысы Зәринә ханыма. Бергә-бергә яшь буыныбызга тәрбия орлыклары салыйк", - диләр.