Әлмәт яшьләрен воркшопта катнашырга чакыралар

Әлмәт, Түбән Кама, Яр Чаллы һәм Бөгелмә яшьләрен көчле белем бирү программасы көтә, анда ТР яшьләр тренинг үзәге экспертлары-тренерлары сәгать ярымлык мастер-класс үткәрәчәк.
⠀
Программа проект менеджменты, эмоциональ интеллект, нетворкинг, ораторлык осталыгы кебек блоклардан тора.
Воркшопта 16 яшьтән 35 яшькә кадәргеләр катнаша ала. Барлык катнашучылар да сертификатлар алачак.
⠀
Әгәр сез онлайн һәм оффлайн коммуникацияләрдә үз күнекмәләрегезне көчәйтергә, эмоциональ интеллектны үстерергә һәм шәхси үсеш траекториясен төзергә теләсәгез, сезне оештыручылар воркшопта көтә.
⠀
Әгәр сездә шәһәр хакимиятенә тәкъдим итәргә теләгән идея яки проект бар икән, шулай ук гариза тутырыгыз һәм сезгә, һичшиксез, ярдәм итәчәкләр.
⠀
15 март 23:59 сәгатькә кадәр @kontakt_almet профилендәге сылтама буенча теркәлергә һәм гариза бирергә өлгерергә кирәк.
⠀
Катнашу мәсьәләләре буенча +7 (962) 577-10-36 (Гөлшат Габдрахманова) номерына шалтыратырга мөмкин.