Помидорларыгыз ярылмасын өчен нишләргә?
Помидорларның тышкы кыяфәте, матурлыгы һәм сәламәт булуы берничә мөһим фактордан тора.
Беренчесе - тукландыру. Помидор өлгерү вакытында тукландыру гади вакыттагыдан 2 тапкыр кимрәк булырга тиеш. Югыйсә помидор шокта калачак һәм ярылып та чыга ала.
Икенчесе - иң мөһиме - дөрес су сибү. Онытмагыз, җәйге эсседә сез генә түгел, помидорларыгызның да эчәсе килә. Корылыктан соң суны акрынлап, кечкенә порцияләп, берничә тапкыр сибәргә киңәш ителә. Әгәр бер арада бөтен су дозасын сипсәгез, помидорларыгыз су күләменең артык күплегеннән шартларга мөмкин.
Туфракның коруына каршы чара:
Салам алыгыз, ваклап турагыз һәм помидор түтәлләрендә 5 сантиметр калынлыктагы катлам итеп җәегез. Шул рәвешле помидорларыгыз дымны озакка яхшы саклаячак.
Следите за самым важным и интересным в Telegram-каналеТатмедиа