Әлмәттә Р.Фәхреддиннең тууына 160 ел тулу уңаеннан оештырылган Бөтенроссия фәнни-гамәли конференция уза
Хәзерге вакытта Әлмәттә Р.Фәхреддиннең тууына 160 ел тулу уңаеннан оештырылган «Р.Фәхреддин: рухият, мәдәният, мәгърифәт» III Бөтенроссия фәнни-гамәли конференциясе уза. ⠀
Чарада катнашучыларны Әлмәт район Советы аппараты җитәкчесе Роза Әфләтунова һәм «Татнефть» компаниясе генераль директоры урынбасары, Дәүләт Советы депутаты Рөстәм Мөхәммәдиев сәламләде.
⠀
Кунакларны 1 нче гимназия укучыларының кул эшләнмәләреннән торган күргәзмә каршы алды. Укучылар тарафыннан шулай ук мастер-класслар да оештырылган иде.
⠀
Мәртәбәле кунаклар арасында күренекле татар галиме, тарих фәннәре докторы Индус Таһиров, шулай ук Казаннан һәм Уфадан килгән галимнәр, профессорлар, дин әһелләре дә бар иде.
Конференция секцияләргә бүленеп дәвам итте.
Следите за самым важным и интересным в Telegram-каналеТатмедиа