Татарстанда коронавирустан тагын 10 кеше үлгән

Татарстанда тагын 10 кеше коронавирус корбаны булган. Пандемия башланганнан бирле республикада барлыгы 1215 үлем очрагы теркәлгән, дип хәбәр итә ТР Сәламәтлек саклау министрлыгы матбугат хезмәте.

«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», - диелә ведомство хәбәрендә.

1944, 1949 һәм 1954 елларда туган өч ир-ат һәм 1938, 1949, 1947, 1954, 1955, 1959 1962 елларда туган җиде хатын-кыз вафат булган.