Татарстанда коронавирустан тагын 13 кеше үлгән

Соңгы тәүлектә Татарстанда коронавирус инфекциясеннән унөч кеше үлгән. Инфекциядән үлүчеләрнең гомуми саны 1177 очракка җиткән, дип хәбәр итә ТР Сәламәтлек саклау министрлыгының матбугат хезмәте.

«Үлем сәбәпләре патологоанатомик экспертиза нәтиҗәсендә билгеләнгән. Вирус идентификацияләнгән», — диелә ведомство хәбәрендә.

Инфекциядән 1930, 1947, 1960 (2 кеше), 1992 елларда туган биш хатын-кыз һәм 1939, 1941, 1942, 1950, 1951, 1957 (2 кеше) һәм  1966 елларда туган сигез ир-ат вафат булган.