Татарстанда тагын ике кеше коронавирустан үлгән
Республикада Covid-19 корбаннарының гомуми саны 435кә җитте.
Татарстанда тагын ике кеше яңа төрдәге Covid-19 коронавирус инфекциясе корбаны булган. Бу хакта ТР Сәламәтлек саклау министрлыгының матбугат хезмәтеннән хәбәр иттеләр.
«Татарстанда коронавирус инфекциясеннән вафат булуның ике очрагы расланды», - дип белдерделәр министрлыкта.
Коронавирустан 1947 һәм 1954 елларда туган ике ир-ат дөнья куйган.
Ведомствода үлемнең сәбәбе патологоанатомик экспертиза үткәрү нәтиҗәсендә ачыклануын һәм вирусның идентификацияләнүен искәрттеләр.
Шул рәвешле, 10 апрельгә булган мәгълүматлар буенча, Татарстанда яңа төрдәге Covid-19 коронавирус инфекциясеннән вафат булган пациентлар саны 435кә җитте.
Следите за самым важным и интересным в Telegram-каналеТатмедиа