Әлмәт урманчылары питомникларда орлык чәчү буенча еллык планны үтәделәр

Әлмәт урманчылары «ТРда урманнарны саклау»региональ проекты планы буенча питомникта барлык орлыкларны утырттылар. Шулай ук бу юнәлештәге эшләр Аксубай, Биләр, Болгар, Буа, Зәй, Ислейтар, Кәләй, Кызыл Йолдыз һәм Лаеш урман хуҗалыкларында тәмамланган. Республикада барлыгы 21 гектарда орлык утырту планлаштырыла. Хәзерге вакытта 10 гектар гына чәчелгән.

«Чәчүлекләрне үстерү - күп вакыт таләп итә торган процесс. Барысы да кул белән җыелган күркәдән башлана. Аны киптерәләр, орлыкларын чыгаралар. Чәчкәннән соң питомникларда чәчүлекләрне карау буенча сезонлы эшләр башкарылачак. Бу даими сугару, туфракны йомшарту, чүп үләннәренә каршы көрәш», - дип сөйләде ТР Урман хуҗалыгы министрлыгының урманнарны яңадан торгызу һәм урман үрчетү бүлегенең әйдәп баручы киңәшчесе Алсу Мостафина.