Татарстанлылар "Буыннар бәйләнеше – хатларда тарих" федераль проектында катнаша ала
Әлеге проект Бөек Ватан сугышының 75 еллыгына, Россиядә Хәтер һәм Дан елына багышланган социаль акция булып тора. бу хакта оештыручылар хәбәр итә.
Сугыш вакытында фронттан килгән өчпочмаклы хат өмет символы, солдатны аның туганнары белән бәйләп торган.
Яңа historyinletters.ru платформасында теләгән һәркем үзенең үткәненә юлламасын җибәрә ала, сугыш чорыннан калган фронт хатына җавап биреп, яшь солдатка, тыл хезмәтчәненә мөрәҗәгать итә ала.
Җавапларыгызны теләсә кайсы форматта – текст, аудио яки видео рәвешендә өстәргә була. Иң яхшы җавап авторларына истәлекле бүләкләр тапшырылачак.
Бәйге 15 майга кадәр уза. Акциянең тулырак шартлары белән historyinletters.ru сайтында танышырга мөмкин.
Следите за самым важным и интересным в Telegram-каналеТатмедиа
Оставляйте реакции
