Компания вәкиле җәза билгеләгәндә авыр матди хәлне исәпкә алу үтенечен әйтте.
Әлмәттә «ЖЭУ‑3» идарәче компаниясенә күрсәтмәләрне үтәмәгән өчен 200 мең сум штраф салынган. Бу хакта ТР дәүләт торак инспекциясе хәбәр итте.
Муса Җәлил урамындагы 10 нчы йортта стеналар һәм түшәм агартылмаган, шулай ук фатирлар һәм баскычлар өстендәге түбәләрдән су агуының сәбәбен тапмаганнар һәм төзәтмәгәннәр. Компания вәкиле гаебен таныды, әмма проблемаларны капиталь ремонт вакытында гына төзәтеп була, дип аңлатты. Шулай ук ул оешманың катлаулы финанс хәленә сылтады.
Ә Риза Фәхретдин урамындагы 57В/2 номерлы йортта компания вентиляциянең деформацияләнгән дефлекторын торгызмаган, түбә кәрнизенең җимерелүен һәм башка дефектларны бетермәгән. Монда «ЖЭУ‑3» вәкиле өлешчә гаебен таныды. Аның сүзләренчә, эшләр өчен махсус техника, альпинистлар хезмәте һәм компаниядә булмаган өстәмә акча кирәк. Тагын җәза билгеләгәндә авыр матди хәлне исәпкә алу үтенече яңгырады.
Суд бу дәлилләрне мәрхәмәт күрсәтү өчен нигез дип санамады. "ЖЭУ-3" ике штраф билгеләде — һәр йорт өчен 100 мең сум.