Казанда Россия халыклары спартакиадасы ярышлары узачак
2026 елның 1 августыннан 30 сентябренә кадәр бөтен ил буйлап иң көчле спортчылар арасында Россия халыклары спартакиадасы ярышлары узачак. Турнир спорт календаренең мөһим вакыйгасы һәм Лос-Анджелестагы 2028 елгы Олимпия уеннарына Россия эчендәге төп сайлау булачак.
Спартакиада программасында-43 спорт төре, ярышларда 12 меңнән артык кеше катнашачак.
Татарстан Республикасы ярышлар узачак җиде төбәкнең берсе булачак. Расланган календарь нигезендә, Казан сигез спорт төре буенча турнирлар кабул итәчәк: регби-7 (ир-атлар һәм хатын-кызлар), скейтбординг, ат спорты, футбол (хатын-кызлар), байдарка һәм каноэларда ишү, ишү спорты, спорт гимнастикасы һәм ядрә ату.
Турнирга әзерлек кысаларында Татарстан башкаласына спорт чаралары федераль дирекциясенең эшче төркеме килде. Алар ярышлар уздырыла торган объектларны карадылар һәм Татарстан Республикасы спорт министрлыгы җитәкчелеге белән эшлекле киңәшмә уздырдылар.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Оставляйте реакции
