Дәүләт хезмәтләрендә тышкы реклама белән эшләү өчен цифрлы сервис эшләтеп җибәрделәр

Узган елның декабреннән «Тормыш ситуацияләре» бүлегендә цифрлы инструментлар комплексы барлыкка килде, ул бөтен эш циклын онлайн алып барырга мөмкинлек бирә. Бу хакта Татарстан Республикасы икътисад министрлыгында хәбәр иттеләр.

Татарстанда бизнес өчен төп процедураларны электрон форматка күчерделәр. Эшмәкәрләр интерактив картада ирекле реклама урыннарын эзләргә, сатуларда катнашырга, рөхсәт алырга, килешүләр һәм социаль реклама урнаштыру белән идарә итәргә мөмкин – барысы да портал аша башкарыла, дип хәбәр итә «Татар-информ».