Татарстанда һава торышы начараю сәбәпле автоинспекторлар кисәтә

Татарстан дәүләт автоинспекциясе машина йөртүчеләргә мөрәҗәгать итте. Кичектергесез эшләр булмаса, яшәгән торак пунктлардан чыкмаска.

Бу һава торышы белән бәйле. 3 январьдә Татарстан юлларында буран булу сәбәпле, күз күреме 1 км. дан ким булырга мөмкин. Җирнең тизлеге секундына 20 метрга җитәргә мөмкин. Иртәгә 4 январьдә һава торышы тагын да буранлырак булачак. Синоптиклар фаразынча, көчле юеш кар явачак. Күз күреме 500 метрга кадәр, җилнең тизлеге секундына 23 метр. 

 Юллардагы бозлавык, кар "боткасы" һәм кар көртләре хәрәкәткә комачаулый. Мондый шартларда өйдә торуың хәерле диләр белгечләр. 

 ГАИ инспекторлары юлда катлаулы хәлдә калучыларга ярдәм итәргә әзер. 

Юлда көтелмәгән хәлләр килеп чыкса, 

 8 (843) 5 333 888 телефонына шалтыратыгыз.